09.10.2026 | 11:05
COP17-ին ընդառաջ Կառավարությունը ԱԺ-ում օրենքի նախագիծը ներկայացնելու պատասխանատու է նշանակել
Քրդերը ժամանակավորապես դադարեցնում են ռազմական գործողությունները թուրքական ուժերի դեմ
Քաղաքականություն
10.02.2023 | 21:25
Քուրդիստանի աշխատավորական կուսակցությունը կոչ է արել իր ուժերին՝ երկրաշարժի հետևանքների դեմ պայքարում ռազմական գործողություններ չձեռնարկել թուրքական բանակի դեմ։ Այս մասին փետրվարի 10-ին հայտարարել է PKK-ի քաղաքական թևի ղեկավար Ջամիլ Բայըքը, փոխանցում է ANF-ը։
«Եթե թուրքական ուժերը չհարձակվեն մեզ վրա, մեր ուժերը ոչ մի ռազմական գործողություն չեն ձեռնարկի նրանց դեմ, և այս որոշումը ուժի մեջ կմնա մինչև աղետի ավարտը»,- ընդգծել է նա։
Բայըքը նշել է, որ հազարավոր քրդեր փլատակների տակ են, և պետք է օգտագործել բոլոր հնարավորությունները՝ նրանց հնարավորինս արագ փրկելու համար։
Հիշեցնենք, որ փետրվարի 6-ին Թուրքիայում 7,7 և 7,6 մագնիտուդով երկու հզոր երկրաշարժ է տեղի ունեցել, որոնցից տուժել է նաև հարևան Սիրիան։
Վերջին տվյալներով՝ երկու երկրներում տարերքի զոհ է դարձել ավելի քան 21,700 մարդ։
Տաթև Ֆռանգյան
