20.04.2026 | 16:19
Ադրբեջանը խոչընդոտում է Թուրքիայի և Հայաստանի հարաբերությունների կարգավորմանը՝ իր լոբբիստական ազդեցությամբ. Ալեն Սիմոնյան
Ալիևը հայտարարել է, թե Ադրբեջանը նախատեսում է մինչև 2027թ․-ը կրկնապատկել Եվրոպա գազի արտահանումը
Քաղաքականություն
03.02.2023 | 12:06
Ադրբեջանի նախագահ Իլհամ Ալիևը Բաքվում Հարավային գազային միջանցքի խորհրդատվական խորհրդի 9-րդ և Կանաչ էներգետիկայի խորհրդատվական խորհրդի 1-ին նախարարների հանդիպմանը հայտարարել է, թե նախատեսում են մինչև 2027 թվականը կրկնապատկել ադրբեջանական գազի արտահանումը Եվրոպա։
Իր ելույթում Ալիևը խոսել է կարևոր փաստաթղթի մասին, որը ստորագրել է 2022թ-ին Եվրահանձնաժողովի ղեկավար Ուրսուլա ֆոն դեր Լեյենի հետ։
«Սա էներգետիկայի ոլորտում ռազմավարական գործընկերության փաստաթուղթ է, որը ստորագրվել է հուլիսին, և որն իրականում հստակ ճանապարհային քարտեզ է մեր ապագա ծրագրերի համար»,- ընդգծել է Ադրբեջանի նախագահը։
Նա հավելել է, որ Բաքուն նախատեսում է մինչև 2027 թ․-ը կրկնապատկել Եվրոպա գազի արտահանման ծավալները։
«Դա իրագործելի է, քանի որ մենք դրա համար ռեսուրսներ ունենք: Մենք ունենք փոխադարձ քաղաքական կամք և փոխադարձ վստահության շատ բարձր մակարդակ»,- նշել է Ալիևը։
Էմմա Չոբանյան
