06.05.2024 | 16:50
ՀՀ-ն և Հունգարիան դեսպանություններ կբացեն, կլինեն նաև ուղիղ չվերթներ․ ԱԳ նախարար․ ՏԵՍԱՆՅՈՒԹ
Բաքվում պահվող գերիները տեսաուղերձներ են ուղարկել հարազատներին
Հասարակություն
30.01.2023 | 12:58
Կարմիր խաչի միջազգային կոմիտեի ներկայացուցիչներն այցելել են Ադրբեջանում պահվող անձանց և գերիներին։ Այս մասին Factor.am-ի հետ զրույցում ասաց ԿԽՄԿ պատվիրակության հաղորդակցման ծրագրերի ղեկավար Զառա Ամատունին՝ նշելով, որ տեսակցված անձիք 2020-2021 թվականի ադրբեջանական սադրանքի հետևանքով գերեվարվածներն են.
«Մեր ներկայացուցիչները տեղում ծանոթացել են Բաքվում պահվող անձանց առողջական վիճակին և պահման պայմաններին։ Բացի այդ, գերիներին հնարավորություն է տրվել կապ հաստատել ընտանիքի անդամների հետ, ինչպես նաև՝ փոխանակվել նամակներով և տեսաուղերձներով»,- նշեց Ամատունին։
Հետաքրրքվեցինք, թե ԿԽՄԿ-ն քանի՞ անձի է տեսակցել և ի՞նչ պայմաններ են արձանագրել ներկայացուցիչները, ինչպե՞ս է պահվող անձանց առողջական վիճակը, սակայն ԿԽՄԿ ներկայացուցիչը հրաժարվեց մանրամասներ հայտնելուց, նշելով՝ նման տեղեկատվություն հանրայնացնելու իրավունք կոմիտեն չունի։
Նշենք, որ հայ իրավապաշտպանների տվյալներով՝ ադրբեջանական ցուցակներում չներառված մոտ 110 մարդ դեռ մնում է գերության մեջ։ Վերջին անգամ ադրբեջանական կողմը հայկական կողմին փոխանցել էր 5 հայ ռազմագերի։
Ռոզա Վարդանյան
