05.11.2024 | 23:30
ԱՄՆ նախագահական ընտրությունների արդյունքները դժվար թե վերականգնեն Թուրքիայի հետ հարաբերությունները. անդրադարձ
Գերմանիայի արտգործնախարարը կոչ է արել ազատ արձակել Քավալային ու Դեմիրթաշին
Քաղաքականություն
25.01.2023 | 21:40
Գերմանիայի արտգործնախարար և «Կանաչների» կուսակցության անդամ Աննալենա Բերբոկը հունվարի 24-ին Ֆրանսիայի Ստրասբուրգ քաղաքում Եվրոպայի խորհրդի խորհրդարանական վեհաժողովում ելույթ է ունեցել։
Ermenihaber-ի հաղորդմամբ՝ նա ԵԽ անդամ բոլոր երկրներին կոչ է արել հարգել Մարդու իրավունքների եվրոպական կոնվենցիան և ընդգծել, որ ՄԻԵԴ-ի (Մարդու իրավունքների եվրոպական դատարան) կայացրած բոլոր որոշումները պետք է կիրառվեն։
Դիմելով Թուրքիային՝ Բերբոկն ասել է, որ խորապես անհանգստացած է Օսման Քավալայի ազատ արձակման պահանջների նկատմամբ թուրքական իշխանությունների անտարբերությունից։
«Եվ այո՛, վերջապես լավ է, որ մի տեսակցություն եղավ, սակայն դա ծափահարելու արժանի բան չէ, նա չպետք է բանտում լիներ»,- ասել է նա։
Գերմանիայի արտգործնախարարն անդրադարձել է նաև Սելահաթթին Դեմիրթաշի կալանավորմանը՝ նշելով, որ նա ևս անիրավ կերպով է բանտում գտնվում ու պետք է ազատ արձակվի։
Նա անազատության մեջ է 2017-ի նոյեմբերից: Մեղադրվում է 2016-ի ռազմական հեղաշրջման փորձի հետ կապ ունենալու և Գեզի այգու հակաիշխանական ցույցերը կազմակերպելու մեջ։
Նա մեղադրվում է զինված ահաբեկչական խմբավորման անդամ լինելու, հանցագործություն կատարելուն դրդելու և ահաբեկչական խմբավորման քարոզչությունն իրականացնելու մեջ:
