05.11.2024 | 17:48
Ըստ Լավրովի՝ Կովկասում հապճեպ խաղաղությունը ոչ մի լավ բանի չի հանգեցնի
Նիդեռլանդները Լեհաստան կուղարկի ութ F-35 կործանիչ
Քաղաքականություն
23.01.2023 | 22:37
Նիդեռլանդներին պատկանող ութ F-35 կործանիչներ կտեղակայվեն Լեհաստանում՝ ՆԱՏՕ-ի երկու տարբեր առաքելություններին մասնակցելու համար: Այս մասին հայտնել է Նիդեռլանդների Պաշտպանության նախարարությունը, գրում է ՏԱՍՍ-ը։
Գերատեսչության մամուլի հաղորդագրության մեջ նշվում է, որ «չորս կործանիչներ հասանելի կլինեն փետրվարին և մարտին՝ Արևելյան Եվրոպայի վրա ՆԱՏՕ-ի օդային տարածքը հսկելու համար»։ Դրանցից երկուսը մշտապես պատրաստ կլինեն օգտագործման, որպեսզի մի քանի րոպեի ընթացքում կարողանան իրագործել խնդիրը, մյուս երկուսը կլինեն ռեզերվում։
Եվս չորս ինքնաթիռ կներգրավվեն գործընկերների հետ համատեղ ուսումնական ծրագրում: Այս ծրագիրը, նշել է գերատեսչությունը, «ուժեղացնում է ՆԱՏՕ-ի ներկայությունն արևելյան թևում և օգնում է ամրապնդել համագործակցությունը» տարբեր երկրների միջև, որոնք Հյուսիսատլանտյան դաշինքի անդամ են։
