19.12.2025 | 11:44
Հայաստանը եղել և մնում է ՀԱՊԿ դաշնակիցը. Տասմագամբետով
Ռուսաստանը, հավանաբար, գրավել է Սոլեդարը. ISW
Քաղաքականություն
13.01.2023 | 10:56
Պատերազմի ուսումնասիրման ամերիկյան ինստիտուտը (ISW) ռազմաճակատի իրավիճակի վերաբերյալ իր հերթական զեկույցում նշում է, որ «ռուսական ուժերը վերահսկում են Սոլեդարի տարածքի մեծ մասը, եթե ոչ ամբողջ տարածքը, և նրանց, ըստ երևույթին, հաջողվել է ուկրաինական զորքերը դուրս մղել բնակավայրի արևմտյան ծայրամասերից», գրում է BBC-ի ռուսական ծառայությունը։
Ինստիտուտի փորձագետները միաժամանակ կարծում են, որ «Սոլեդարի հավանական գրավումը իրավիճակի օպերատիվ կարևոր զարգացում չէ, և այն դժվար թե նախանշի Բախմուտի մոտալուտ ռուսական շրջափակումը»:
ISW-ի զեկույցում նշվում է, որ հինգշաբթի օրը Ուկրաինայի զինված ուժերի գլխավոր շտաբը հայտնել է Սոլ գյուղում ռուսական գրոհները հետ մղելու մասին, որը գտնվում է Սոլեդարից մոտ մեկ կիլոմետր հյուսիսարևմուտք։ Սակայն, ի տարբերություն նախորդ օրերի, ուկրաինացի զինվորականները չեն նշել, որ իրենց հաջողվել է հետ մղել հարձակումը Սոլեդարում։
Միաժամանակ ռուսական աղբյուրները գրում են, որ ռուսական բանակն ավարտում է «Սոլեդարի մաքրումը», իսկ ռազմական բլոգերների telegram- ալիքները հրապարակել են կադրեր, որոնցում երևում է, թե ինչպես են «Վագների» մարտիկները քայլում քաղաքի փողոցներով։
«Բոլոր առկա փաստերը ցույց են տալիս, որ ուկրաինական ուժերն այլևս չունեն Սոլեդարում կազմակերպված պաշտպանություն», – եզրակացնում են ISW-ի փորձագետները:
Տաթև Ֆռանգյան
