15.12.2025 | 21:51
Ռուսաստանում Pussy Riot խումբը հայտարարվել է «ծայրահեղական կազմակերպություն»
Ռուսաստանը հաճախակի, սակայն փոքր հարձակումներ է ձեռնարկում Բախմուտի շրջանում․ բրիտանական հետախուզություն
Քաղաքականություն
27.12.2022 | 21:56
Մեծ Բրիտանիայի Պաշտպանության նախարարության ռազմական հետախուզությունն ամենօրյա զեկույցում նշում է, որ վերջին 48 ժամվա ընթացքում Ուկրաինայում ռազմական գործողությունները դեռևս կենտրոնացած են Դոնեցկի մարզի Բախմուտի և Լուգանսկի Սվատովոյի մերձակայքում, գրում է BBC-ի ռուսական ծառայությունը։
Նշվում է, որ Ռուսաստանը նախկինի պես հաճախակի, սակայն ոչ մեծ հարձակումներ է ձեռնարկում այդ շրջաններում, որի արդյունքում միայն մի փոքր տարածք է հայտնվել ռուս զինվորականների վերահսկողության ներքո։
Ուկրաինական բանակը շարունակում է պահել Բախմուտը, որն արդեն մի քանի ամիս Ռուսաստանի թիրախում է։
«Տեսնում եք՝ ինչ քաջությամբ է Բախմուտը պահվում, մեր զինվորները թշնամուն կորուստներ են պատճառում, և նա չի կարողանում առաջ գնալ։ Եղել է աննշան առաջխաղացում, սակայն հակառակորդը դուրս է մղվել։ Այսօր թշնամին փորձում է շրջապատել քաղաքը, սակայն նրան մոտ դա ևս չի ստացվի»,- ասել է Ուկրաինայի պաշտպանության փոխնախարար Աննա Մալյարը։
Պատերազմի ուսումնասիրության ամերիկյան ինստիտուտը (ISW) ավելի վաղ իր ամփոփագրում նշել էր, որ վերջին օրերին Բախմուտի շրջանում ռուսական զորքերի առաջխաղացման տեմպերը դանդաղել են, և այնտեղ կռվող «Վագներ» խումբը մեծ կորուստներ է կրում:
Հավելենք, որ մեկ շաբաթ առաջ էլ Ուկրաինայի նախագահ Վլադիմիր Զելենսկին այցելել էր Բախմուտում գտնվող ուկրաինացի զինվորականներին։
Էմմա Չոբանյան
