15.10.2026 | 18:23
Տեղի է ունեցել ՀՀ վարչապետի և Ֆրանկոֆոնիայի միջազգային կազմակերպության գլխավոր քարտուղարի հանդիպումը
Ողբերգական վթար` Երևան-Սևան ավտոճանապարհին. վարորդը տեղում մահացել է
Հասարակություն
02.07.2017 | 13:52
Հուլիսի 2-ին, ժամը 04:53-ին տեղեկություն է ստացվել, որ Մ-4 ավտոճանապարհին՝ Ֆանտան գյուղի մոտակայքում, տեղի է ունեցել ՃՏՊ՝ հրդեհի բռնկումով. ներսում արգելափակված քաղաքացիներ կան. անհրաժեշտ է օգնություն:
Դեպքի վայր է մեկնել մեկ մարտական հաշվարկ:
Պարզվել է, որ Մ-4 ավտոճանապարհի Երևան-Սևան հատվածի 31-րդ կմ-ին բախվել են «ԶիԼ» մակնիշի 03 LL 529 (վարորդ՝ 1982 թ. ծնված Տ. Փ.) և Mercedes Vito մակնիշի 90 AL 090 (վարորդի տվյալները չի հաջողվել պարզել) պետհամարանիշերով ավտոմեքենաները, ինչի հետևանքով վերջինս բռնկվել է և վարորդը՝ տեղում մահացել:
Հրդեհը մեկուսացվել է ժամը 05:13-ին, մարվել՝ 05:23-ին: Ամբողջությամբ այրվել է «Mercedes Vito» մակնիշի ավտոմեքենան:
Դեպքի վայր է մեկնել ևս մեկ մարտական հաշվարկ:
Փրկարարները Mercedes Vito մակնիշի ավտոմեքենայից դուրս են բերել վարորդի դին և մոտեցրել շտապօգնության ավտոմեքենային, իսկ ժամը 07:10-ին՝ ավտոմեքենան մոտեցրել ավտոքարշակին:
Փրկարարներն իրականացրել են ճանապարհահատվածի լվացման աշխատանքներ:
