25.11.2024 | 18:43
Վարչապետի գլխավորությամբ քննարկվել է 2024 թ. 9 ամսվա պետական բյուջեի կատարողականի հաշվետվությունը
ՌԴ փոխվարչապետը հայտարարել է, որ ակտիվ աշխատանքներ են տարվում Թուրքիայում գազային հանգույցի ստեղծման շուրջ
Քաղաքականություն
23.12.2022 | 21:59
Ակտիվ աշխատանք է ընթանում Թուրքիայում գազային հանգույցի ձևավորման ուղղությամբ, որոշումը կարող է ընդունվել 2023 թվականին։ Այս մասին հայտնել է ՌԴ փոխվարչապետ Ալեքսանդր Նովակը, գրում է ՌԻԱ Նովոստին։
«Այժմ «Գազպրոմ»-ն ակտիվորեն աշխատում է թուրք գործընկերների, այլ երկրներից նախագծի մեր մյուս հնարավոր մասնակիցների հետ։ Կարծում եմ՝ 2023 թվականի ընթացքում կմշակվեն ու որոշումներ կընդունվեն»,- ասել է Նովակը «Ռոսիա 24» հեռուստաալիքի եթերում։
Հիշեցնենք, որ հոկտեմբերի 13-ին Աստանայում տեղի էր ունեցել Թուրքիայի նախագահ Ռեջեփ Թայիփ Էրդողանի և ՌԴ նախագահ Վլադիմիր Պուտինի հանդիպումը, որի ընթացքում ռուսական կողմն Անկարային առաջարկել էր գազային հանգույց ստեղծել Եվրոպա մատակարարումների համար։ Աստանայից վերադառնալիս էլ լրագրողների հետ զրույցում Էրդողանն ասել էր, որ Թուրքիայի Էներգետիկայի և բնական պաշարների նախարարությանը և ռուսական կողմից համապատասխան գերատեսչություններին հանձնարարվել է համատեղ քայլեր մշակել այդ ուղղությամբ։ Նա նաև նշել էր, որ Թրակիայի շրջանը կարող է դառնալ նոր գազային հանգույցի ստեղծման ամենահարմար վայրը։
Էմմա Չոբանյան
