07.10.2026 | 16:53
«Հայ, թուրք, ադրբեջանցի․ ինչի՞ համար են էդ շահարկումները»․ Նիկոլ Փաշինյան․ ՏԵՍԱՆՅՈՒԹ
ԱՄՆ պետքարտուղարության խոսնակը՝ Ադրբեջանի կողմից Լաչինի միջանցքի փակման մասին
Քաղաքականություն
13.12.2022 | 11:54
ԱՄՆ պետքարտուղարության խոսնակ Նեդ Փրայսը նախօրեի ճեպազրույցում անդրադարձել է ադրբեջանցիների կողմից Լաչինի միջանցքի փակմանը։ Լրագրողներից մեկը Փրայսին հարց է ուղղել միջանցքի շուրջ լարվածություն՝ որտե՞ղ է այս իրավիճակում ԱՄՆ-ն, այն դեպքում երբ ՌԴ նախագահ Վլադիմիր Պուտինը զրուցում է կողմերի հետ, Արևմտյան Եվրոպան էլ իր մտահոգությունը հայտնում։
«Մենք հետևողականորեն կենտրոնացած ենք այս մարտահրավերի վրա, լարվածությունը թուլացնելու անհրաժեշտության, այս երկու երկրներին տևական, համապարփակ կարգավորման ուղու վրա դնելու անհրաժեշտության վրա: Մենք երկու երկրներին ի մի բերեցինք ԱԳ նախարարների մակարդակով այստեղ Վաշինգտոնում։ Մենք դա արեցինք Նյու Յորքում ՄԱԿ-ի Գլխավոր վեհաժողովի շրջանակում։ Ֆիլիպ Ռիքերը՝ մեր ավագ խորհրդականը, ակտիվորեն ներգրավված է երկու երկրների պաշտոնյաների հետ։ Մենք անում ենք ամենը, ինչ կարող ենք, ամենակարևորը, որ այս երկու երկրներն անում են ամենը լարվածությունը նվազեցնելու»,-ասել է Նեդ Փրայսը։
Էմմա Չոբանյան
