20.11.2024 | 22:30
Սարգիս Բեգոյանը` ըմբշամարտի զինվորականների աշխարհի առաջնության արծաթե մեդալակիր
Ջրականում ադրբեջանցի զինծառայողները վթարի են ենթարկվել
Քաղաքականություն
22.11.2022 | 22:55
Ջրականում Ադրբեջանի պետական սահմանապահ ծառայության զինծառայողները վթարի են ենթարկվել, հայտնում են ադրբեջանական լրատվամիջոցները։
Հաղորդվում է, որ նախօրեին Շյուքրուբեյլիի մոտ «Շագման» մակնիշի բեռնատարը դուրս է եկել ճանապարհի հանդիպակաց գոտի, դեպի ուր շարժվել է սահմանապահ ծառայության «ՈւԱԶ» մակնիշի մեքենան։ Պատահարի հետևանքով վիրավորվել է մի քանի զինծառայող, իսկ ավագ սերժանտ Ալմիր Աբասովին չի հաջողվել փրկել։
Բացի այդ, ադրբեջանական որոշ աղբյուրներ նաև տեղեկություններ են տարածում, որ օրերս զորամասում ծառայակցի կողմից սպանվել է 1990 թվականին ծնված Ֆարհադ Յուսիդ օղլու Սավալանովը, որն Արցախյան երկրորդ պատերազմի մասնակից է։ Ադրբեջանի ՊՆ-ն պաշտոնապես այս մասին ոչինչ չի հաղորդում։
Էմմա Չոբանյան
