07.12.2025 | 21:40
Վարդենյաց լեռնանցքում ձյուն է տեղում. Դիլիջանի, Սպիտակի ոլորաններում մառախուղ է
Գագիկ Բեգլարյանի նկատմամբ քրեական հետապնդում է սկսվել. ՊՆ պաշտոնյան՝ կոռուպցիայի կենտրոնում. ԼՈՒՐԵՐ
Քաղաքականություն
16.11.2022 | 13:05
- ՀՀ ՊՆ-ն և Արցախի ՊԲ-ն հերթական անգամ հերքել են Ադրբեջանի պաշտպանության նախարարության տարածած ապատեղեկատվությունը։ Բաքուն հաղորդել էր, թե իբր ՀՀ ԶՈՒ ստորաբաժանումները նոյեմբերի 15-ին՝ ժամը 21:40-ին, կրակ են բացել հայ-ադրբեջանական սահմանագոտու արևելյան հատվածում տեղակայված ադրբեջանական դիրքերի ուղղությամբ, իսկ Արցախի ՊԲ-ի ուժերը՝ ԱՀ Ասկերանի շրջանի օկուպացված տարածքներում տեղակայված ադրբեջանական դիրքերի ուղղությամբ։
- Քրեական հետապնդում է սկսվել Երևանի նախկին քաղաքապետ Գագիկ Բեգլարյանի նկատմամբ։ Ըստ գործի նյութերի՝ 2002-2010 թվականների ընթացքում Երևան քաղաքի «Կենտրոն» թաղային համայնքի ղեկավարի, այնուհետև Երևանի քաղաքապետի պաշտոնը զբաղեցրած Գ.Բ.-ն, պաշտոնեական դիրքն օգտագործել է ծառայության շահերին հակառակ, ինչպես նաև պաշտոնեական դիրքի օգտագործմամբ, յուրացման եղանակով հափշտակել է առանձնապես խոշոր չափերի՝ Երևան քաղաքում և այլ բնակավայրերում գտնվող 24 անշարժ գույքեր։ Դատախազությունը 27 դեպքով հարուցել է հանրային քրեական հետապնդում։
- Ֆրանկոֆոնիայի նախարարական համաժողովի 43-րդ նստաշրջանի աշխատանքներին մասնակցելու նպատակով նոյեմբերի 16-ից ՀՀ ԱԳ նախարար Արարատ Միրզոյանը կմեկնի Թունիս․ տեղեկացնում են ՀՀ ԱԳՆ-ից։ Այցի շրջանակներում նախատեսվում են նաև երկկողմ հանդիպումներ գործընկերների հետ։
Այս ժամի լուրերը՝ տեսանյութում։
