06.08.2026 | 15:43
Հայ եկեղեցու առաջնորդը կկանգնի դատարանի առաջ՝ կառավարության հետ խորացող հակամարտության ֆոնին․ Reuters-ի անդրադարձը
Քիչ հավանական է, որ այդ հրթիռն արձակված լինի Ռուսաստանի կողմից. Բայդենը՝ Լեհաստանին հարվածած հրթիռի մասին
Քաղաքականություն
16.11.2022 | 10:30
ԱՄՆ նախագահ Ջո Բայդենը, որ նախագահում է աշխարհի խոշոր տերությունների առաջնորդների արտակարգ նիստը, հայտարարել է, որ երեքշաբթի օրը Լեհաստանի արևելքում երկու մարդու կյանք խլած հրթիռը, ամենայն հավանականությամբ, Ռուսաստանից չի արձակվել, փոխանցում է BBC-ի ռուսական ծառայությունը:
Փորձագետները դեռ հետաքննում են միջադեպի հանգամանքները, սակայն նախագահ Բայդենը հայտարարել է, որ ունի «նախնական տեղեկություններ, որոնք վիճարկում են» այն ենթադրությունը, որ հրթիռը արձակվել է ռուս զինվորականների կողմից։ Ավելի վաղ Լեհաստանի իշխանությունները հայտնել էին, որ Պրժևոդուվ գյուղում ընկած հրթիռը ռուսական արտադրության է։
«Ես չեմ ուզում ասել նախքան ամբողջական հետաքննություն կատարելը, սակայն դրա հետագծից ելնելով, դժվար թե այն արձակած լինեն Ռուսաստանից, բայց կտեսնենք»,- ասել է Բայդենը։ Նա նաև հայտարարել է, որ համաշխարհային առաջնորդները կորոշեն իրենց հետագա քայլերը այն բանից հետո, երբ հստակեցվի, թե կոնկրետ ինչ է տեղի ունեցել։
Հիշեցնենք՝ երեկ տեղեկություններ հայտնվեցին, թե ռուսական երկու հրթիռ է ընկել Լեհաստանի Լյուբելսկի վոյևոդությունում Պրժևոդովի ֆերմայում, որը գտնվում է Ուկրաինայի հետ սահմանից 65 կմ հեռավորության վրա։
Տաթև Ֆռանգյան
