Տնտեսություն
05.06.2018 | 13:58Կառավարության հակակոռուպցիոն գործողությունները թեմայով հանրային քննարկման ընթացքում տնտեսագետ Բաբկեն Թունյանն, անդրադառնալով սուպերմարկերտներում ԱԱԾ-ի կողմից իրականացված ուսումնասիրություններին և բացահայտումներին, նշեց, որ ցանկալի է, որ խտրականություն չդրվի բիզնեսների կապը պաշտոնյաների հետ ուսումնասիրելիս, և, եթե Սամվել Ալեքսանյանի բիզնեսը ստուգում են, դա նշանակում է, որ նույն ստուգումները պետք է լինեն բոլոր պաշտոնյաների համար։
Տնտեսագետի համոզմամբ՝ բացահայտումներից հետո կարևոր են նաև սահմանվող պատժամիջոցները: «Ամբողջ գործողությունների ընթացքում պատիժը և տուգանքները պետք է լինեն ողջամտության սահմանում։ Բիզնեսմենին պետք չէ նայել որպես հանցագործ կամ ժողովրդի թշնամի, բիզնեսը միշտ աշխատել է այն կանոններով, ինչն առաջարկել է պետությունը, և դա պետք է հաշվի առնել, որպեսզի բոլորի շահերը մաքսիմալ պահպանվեն»,- ասաց Բաբկեն Թունյանը։
Հարցին՝ ինչո՞ւ է հենց ԱԱԾ-ն նման բացահայտումներ կատարել՝ ՊԵԿ-ի փոխարեն, տնտեսաագետը պատասխանեց․ «Միգուցե, այն պատճառով, որ մասշտաբներն այնքան մեծ են, որ Ազգային անվտանգությանը դա սպառնալիք է ներկայացրել, և հնարավոր է ՝դրա տակ քաղաքական պատճառներ լինեն»։
Մանրամասնրեը՝ տեսանյութում:
