21.04.2026 | 12:05
ԱԺ առողջապահության հարցերի հանձնաժողովի նիստը՝ ՈՒՂԻՂ
ՌԴ-ն նոր հրթիռային հարվածներ է հասցրել Ուկրաինային
Քաղաքականություն
31.10.2022 | 12:42
ՌԴ-ն նոր հրթիռային հարձակումներ է իրականացրել Ուկրաինայի տարբեր շրջանների վրա. ուկրաինական աղբյուրները հայտնում են Զապորոժիեի, Կիրովոգրադի և Օդեսայի շրջաններում պայթյունների, Կիևի, Վիննիցայի և Դնեպրոպետրովսկի շրջաններում հակաօդային պաշտպանության աշխատանքի մասին։ Այլ մանրամասներ դեռ չեն հաղորդվում։
BBC-ի թղթակիցը հայտնում է, որ Կիևում «բազմաթիվ պայթյուններ» են լսվել։ Նրա խոսքով՝ պայթյուններից հետո անջատվել է էլեկտրամատակարարումը, կորել է կապը։ Խարկովի քաղաքապետ Իգոր Տերեխովն իր հերթին հայտնել է քաղաքում երկու պայթյունի մասին։
Կիևի քաղաքապետ Վիտալի Կլիչկոն հաստատել է Կիևում էլեկտրաէներգիայի անջատման մասին տեղեկությունը։ «Կարևոր ենթակառուցվածքների վրա հարձակումների հետևանքով մայրաքաղաքի մի մասը հոսանքազրկվել է։ Որոշ շրջաններում ջրամատակարարում չկա։ Բոլոր ծառայություններն աշխատում են։ Մանրամասներն ավելի ուշ»,- գրել է նա իր Telegram ալիքում։
