21.04.2026 | 17:45
Ադրբեջանը չի ապահովել Լեռնային Ղարաբաղի հակամարտությունից տուժած անձանց պաշտպանությունը. Amnesty International
Կրեմլում հուսով են, որ Պուտինի հանդիպումը Փաշինյանի և Ալիևի հետ տեղի կունենա
Քաղաքականություն
26.10.2022 | 14:56
Կրեմլում հուսով են, որ ՌԴ նախագահ Վլադիմիր Պուտինի հանդիպումը Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հետ տեղի կունենա։ Այս մասին լրագրողներին ասել է ՌԴ նախագահի մամուլի խոսնակ Դմիտրի Պեսկովը՝ չնշելով բանակցությունների օրն ու վայրը, գրում է ՏԱՍՍ-ը։
«Նման եռակողմ հանդիպում պատրաստվում է, հուսով ենք՝ այն տեղի կունենա։ Տեղի ու ժամկետի մասին ժամանակին կկողմնորոշենք»,- ասել է Պեսկովը։
Հավելենք, որ այսօր ՀՀ Ազգային ժողովի նախագահ Ալեն Սիմոնյանը խորհրդարանում լրագրողների հետ զրույցում ասել է, որ հոկտեմբերի վերջին ՀՀ վարչապետ Նիկոլ Փաշինյանը մեկնելու է Սոչի։ Սիմոնյանը նշել է, որ իր տեղեկություններով՝ վարչապետը հոկտեմբերի 31-ին գնալու է Սոչի։
Անդրադառնալով հարցին, թե Փաշինյանը հանդիպելո՞ւ է Ադրբեջանի նախագահ Իլհամ Ալիևի հետ, ԱԺ նախագահը պատասխանել է․ «Ենթադրում եմ՝ այո՛, հանդիպելու է»։
Էմմա Չոբանյան
