02.11.2024 | 15:55
Չինաստանում մեկնարկել է Խաչատրյանի անվան պատանեկան միջազգային մրցույթի եզրափակիչ փուլը
Սերժ Սարգսյանի ելույթը չի բացառում իր վերադարձը. Գևորգ Գորգիսյան
Քաղաքականություն
29.06.2017 | 20:03
Նախագահ Սերժ Սարգսյանի՝ ՀՀ Կառավարությունում արած հայտարարությունը պատասխանն էր «Ելք» խմբակցության՝ խորհրդարանում Կառավարության ծրագրի քննարկման ժամանակ բարձրացրած այն հարցին, թե 2018 թվականին ով է լինելու Հայաստանի վարչապետը:
Factor.am-ի հետ զրույցում նման կարծիք հայտնեց ԱԺ «Ելք» խմբակցության քարտուղար Գևորգ Գորգիսյանը:
Նկատենք՝ օրեր առաջ Կառավարության ծրագրի քննարկման ժամանակ ընդդիմադիր «Ելք» խմբակցության պատգամավորներին հուզող միակ հարցը վերաբերում էր վարչապետի հետագա պաշտոնավարմանը:
Այսօր Կառավարությունում Սերժ Սարգսյանը հատուկ ընգծեց՝ վարչապետն ու իր ղեկավարած թիմը վայելում են իր և Հանրապետական կուսակցության լիակատար վսհատությունը: Գորգիսյանը նկատեց, որ վարչապետի հետագա պաշտոնավարման հետ կապված Սերժ Սարգսյանն այսօր ևս որևէ հստակություն չմտցրեց:
«Իր ելույթը բնավ չի բացառում իր վերադարձը, բայց Կարեն Կարապետյանին քաջալերելու գործ կար, ինչպես նաև հանրության առջև արդարանալու միտում էր պարունակում: Չմոռանանք, որ Հանրապետական կուսակցությունը նաև Կարեն Կարապետյանի շնորհիվ ձայներ հավաքեց և ապահովեց այն արդյունքը, որը տեսանք»,- մեկնաբանելով Սերժ Սարգսյանի հայտարարությունն՝ ասաց ընդդիմադիր «Ելք» խմբակցության քարտուղարը:
Մանրամասները՝ տեսանյութում:
Շողիկ Գալստյան
