10.10.2026 | 14:49
Վանաձորում, Հրազդանում, Արարատում և Գյումրիում փոշու պարունակությունը գերազանցել է թույլատրելի սահմանը
Ալիևը հայտարարել է, թե Արցախի գրավյալ տարածքների ականազերծման համար անհրաժեշտ է մոտ 30 տարի ու 25 մլրդ դոլար
Քաղաքականություն
13.10.2022 | 11:33
Ադրբեջանի նախագահ Իլհամ Ալիևը Ղազախստանում Ասիայի համագործակցության ու վստահության միջոցների 6-րդ գագաթնաժողովի ընթացքում իր ելույթում մի շարք անհիմն ու կեղծ մեղադրանքներ է հնչեցրել Հայաստանի հասցեին։ Մասնավորապես, նա կրկին անդրադարձել է Արցախի գրավյալ տարածքների ականապատման հարցին՝նշելով, որ թե իբր հայկական կողմը ավելի քան 1 մլն ական է տեղադրել։
«Միջազգային փորձագետների հաշվարկով՝ Ադրբեջանին անհրաժեշտ է մոտ 30 տարի ու 25 մլրդ դոլար տարածքների ականազերծման հարցի լուծման համար»,-ասել է Ալիևը։ Նա նշել է, որ Արցախյան 44-օրյա պատերազմից հետո ավելի քան 250 ադրբեջանցի է տուժել գրավյալ տարածքներում ականի վրա պայթելիս։
Հավելենք, որ Հայաստանը Ադրբեջանին է փոխանցել, որպես մարդասիրական քայլ ականապատ տարածքների քարտեզները, որի համար որևէ փաստաթղթային պարտավորություն չունի։ Իսկ ահա Բաքուն մինչ օրս ապօրինաբար շարունակում է պահել հայ ռազմագերիներին։
Էմմա Չոբանյան
