06.11.2024 | 11:25
Սնուփ Դոգի պահանջով համերգի ամսաթվի մասին տեղեկությունները ներկա դրությամբ չեն կարող հրապարակայնացվել․ «Դոպինգ Սփեյս»
ԵԽԽՎ-ում քննարկվելու է Հայաստանի դեմ Ադրբեջանի վերջին ագրեսիան
Քաղաքականություն
10.10.2022 | 12:34
Ստրասբուրգում այսօր իր աշխատանքն է սկսում Եվրոպայի Խորհրդի խոհրդարանական վեհաժողովի աշնանային նստաշրջանը (հոկտեմբերի 10-14)։ ԵԽԽՎ մամուլի ծառայության հաղորդմամբ՝ քննարկվելու է նաև ՀՀ-դեմ Ադրբեջանի վերջին ագրեսիան։
Մասնավորապես նշվում է, որ ընթացիկ հարցերի շուրջ բանավեճեր են լինելու հետևյալ թեմաներով ՝ «Եվրոպան Ուկրաինայի դեմ Ռուսաստանի ագրեսիվ պատերազմի մեկնարկից կես տարի անց», «Եվրոպայում պարենային անվտանգությունը. հացահատիկի արտահանումը ուկրաինական նավահանգիստներով» և «Ռազմական գործողությունները Հայաստանի և Ադրբեջանի միջև»։ Նաև հրատապ քննարկում է լինելու «Ռուսաստանի Դաշնության վերջին աղաղակող և անմարդկային գործունեությունը» թեմայով։
Բացի այդ, նախատեսվում են բանավեճեր Արևմտյան Բալկանների եվրոպական հեռանկարի, իսլամաֆոբիայի կամ հակամահմեդական ռասիզմի դեմ պայքարի, պատվաստանյութերի խտրականության և Իռլանդիայում մարդու իրավունքների վրա Brexit-ի ազդեցության թեմաների շուրջ։ Վեհաժողովը քննարկելու է նաև Թուրքիայի, Հունգարիայի և Ռումինիայի կողմից ստանձնած պարտավորությունների կատարման հարցը։
ԵԽԽՎ-ում նախատեսվում է նաև Ուկրաինայի նախագահ Վլադիմիր Զելենսկիի ելույթը տեսակապով։ Ելույթներ են ունենալու նաև Իռլանդիայի նախագահ Մայքլ Հիգգինսը, Շվեյցարիայի Համադաշնության նախագահ Իգնացիո Կասսիսը, նաև՝ Ալբանիայի վարչապետ Էդի Ռամանը։
Էմմա Չոբանյան
