10.10.2026 | 14:49
Վանաձորում, Հրազդանում, Արարատում և Գյումրիում փոշու պարունակությունը գերազանցել է թույլատրելի սահմանը
Հյուսիսային Կորեան կրկին բալիստիկ հրթիռներ է արձակել
Քաղաքականություն
06.10.2022 | 12:12
Հյուսիսային Կորեան շարունակում է հրթիռային փորձարկումների շարքը։ Հինգշաբթի օրը՝ հոկտեմբերի 6-ին, ԿԺԴՀ-ն կարճ հեռահարության երկու բալիստիկ հրթիռ է արձակել Ճապոնական ծովի ուղղությամբ, հայտնում է Yonhap լրատվական գործակալությունը՝ վկայակոչելով հարավկորեական զինվորականներին: Հրթիռներից մեկը թռել է 350 կիլոմետր՝ 80 կիլոմետր առավելագույն բարձրության վրա, երկրորդը՝ 800 կիլոմետր՝ 60 կիլոմետր առավելագույն բարձրության վրա։ Փորձարկումների փաստը հաստատել է նաև Ճապոնիայի կառավարությունը, գրում է DW-ի ռուսական ծառայությունը:
Հարավային Կորեայի ԶՈՒ ղեկավարությունը նման գործողություններն անվանել է «լուրջ սադրանք» և նշել, որ դրանք «վտանգում են ոչ միայն Կորեական թերակղզում, այլև աշխարհում խաղաղությունն ու կայունությունը»։ Ճապոնիայի վարչապետ Ֆումիո Կիսիդան կարճ ժամանակում Հյուսիսային Կորեայի կողմից հրթիռների բազմակի արձակումը «բոլորովին անընդունելի» է անվանել։
Սեպտեմբերի 25-ից մինչ օրս ԿԺԴՀ-ն վեց փորձնական արձակում է իրականացրել, հիշեցնում է dpa գործակալությունը։ Երեքշաբթի օրը՝ հոկտեմբերի 4-ին, Փհենյանը միջին հեռահարության բալիստիկ հրթիռ էր արձակել։
Հինգ տարվա ընթացքում առաջին անգամ հրթիռ է թռել ճապոնական արշիպելագի վրայով, ինչը վրդովմունք է առաջացրել Տոկիոյում, Սեուլում և միջազգային հանրության այլ անդամների շրջանում։
