22.06.2026 | 19:36
Մայորի մարմինը հուղարկավորել են առանց ձեռքերի և գլխի․ Բաքուն հայ ընտանիքին կվճարի՞ 104 հազար եվրո․ ՏԵՍԱՆՅՈՒԹ
Ալիևը հայտարարել է, թե չի պատրաստվում քննարկել Արցախի հարցը որևէ միջազգային կենտրոնի հետ
Քաղաքականություն
05.10.2022 | 14:02
Ադրբեջանի նախագահ Իլհամ Ալիևը այսօր կրկին հակահայկական հռետորաբանությամբ ու Հայաստանին ուղղված կեղծ մեղրանքներով է հանդես եկել։ Ադրբեջանական լրատվականների հաղորդմամբ՝ նա կրկին հնչեցրել է այն թեզը, թե ԼՂ-ն Ադրբեջանի մաս է, և միջազգային որևէ կենտրոնի հետ այդ հարցը չի քննարկելու։
«Հայերը, որոնք բնակվում են Ադրբեջանի Ղարաբաղի շրջանում, հանդիսանում են մեր քաղաքացիները և այն, թե ինչպես ենք նրանց կյանքը բարելավելու, մենք չենք քննարկելու որևէ միջազգային կենտրոնի հետ»,-հայտարարել է Ալիևը Ակնայում կայացած ֆորումի ժամանակ։
Բացի այդ նա նաև պնդել է, թե Արցախն,իբր, Ադրբեջանի մաս է կազմում։
«Ղարաբաղը Ադրբեջան է։ Եվ Երկրորդ Ղարաբաղյան պատերազմը դա հաստատել է։Այդ հարցերը Ադրբեջանի ներքին գործն են, մենք այն երբեք չենք քննարկել միջազգային ինստիտուտների կամ այլ երկրի հետ»,-ասել է նա։
Ուշագրավ է, որ ըստ ՀՀ ԱԳՆ պաշտոնական հաղորդագրության՝ նախօրեին Բայրամով-Բլինքեն-Միրզոյան հեռախոսազրույցում անդրադարձ եղել է ԼՂ խնդրին։ «Հեռախոսազանգի ընթացքում զրուցակիցները մտքեր են փոխանակել Հայաստան-Ադրբեջան խաղաղության պայմանագրի մշակման ու Ստեփանակերտի և Բաքվի միջև քննարկումների մեխանիզմի ստեղծման վերաբերյալ»,- մասնավորապես, ասված է հաղորդագրությունում:
Էմմա Չոբանյան
