21.04.2026 | 20:43
Անցած տարվա ծնունդի նվերն է հեռուստացույցը, որը չէի կարողացել տալ. Գոհար Ղումաշյան. ՏԵՍԱՆՅՈՒԹ
ԱՄՆ-ը դիտարկում է «բոլոր տարբերակները»՝ կապված ուկրաինական տարածքների սպասվող անեքսիայի հետ
Քաղաքականություն
30.09.2022 | 14:40
ԱՄՆ Պետքարտուղարությունը հայտարարել է, որ դիտարկում է «բոլոր տարբերակները»՝ ի պատասխան Ուկրաինայի նոր տարածքներն իրեն միացնելու Ռուսաստանի պլանների, գրում է VOA-ն:
«Դիտարկվում են բոլոր տարբերակները, երբ խոսքը գնում է Ռուսաստանի դեմ հավելյալ ծախսերի մասին՝ ի պատասխան նրա վայրագություններին և Ուկրաինա շարունակվող ներխուժմանը և, իհարկե, կեղծ հանրաքվեների և անեքսիայի ջանքերի մասին վերջին զեկույցների», – ասել է Պետքարտուղարության խոսնակ Վեդանտ Պատելը:
«Նշեմ, որ մենք կշարունակենք օգտագործել մեր տրամադրության տակ եղած տարբեր գործիքներն ու լծակները՝ Ռուսաստանին պատասխանատվության ենթարկելու և ուկրաինացի ժողովրդին աջակցելու համար։ Մենք երբեք չենք ճանաչի այդ տարածքները որպես ռուսական։ Նրանք միշտ կլինեն ուկրաինական և Ուկրաինայի կազմում»,- հավելել է Պատելը։
Տաթև Ֆռանգյան
