07.12.2025 | 15:56
Մերցը Նեթանյահուի հետ է հանդիպել
Փելոսիի այցն ավարտվեց, ՊՆ-ն՝ սահմանի իրավիճակի, ԱՆ-ն՝ քաղաքացիական վիրավորների վիճակի մասին․ Լուրեր
Քաղաքականություն
19.09.2022 | 13:02
- Սեպտեմբերի 19-ի ժամը 10:00-ի դրությամբ հայ-ադրբեջանական սահմանին իրադրության փոփոխություն չի արձանագրվել․ տեղեկացնում են ՀՀ ՊՆ-ից։
- Հայկական դիրքերի և բնակավայրերի ուղղությամբ ադրբեջանական զինված ուժերի հրետակոծության հետևանքով վիրավորում ստացած քաղաքացիական 7 անձից 3-ը, սեպտեմբերի 19-ի, ժամը 10:00 դրությամբ, շարունակում է ստացիոնար բուժումը տարբեր բժշկական կենտրոններում։ Նրանցից մեկի առողջական վիճակը գնահատվում է ծայրահեղ ծանր` անկայուն, բժիշկները պայքարում են նրա կյանքի համար: Ծանր գնահատվող 2 վիրավորի վիճակը բարելավվել է. այժմ նրանց առողջական վիճակը գնահատվում է միջին ծանրության:
- ԱՄՆ ներկայացուցիչների պալատի նախագահ Նենսի Փելոսիի այցը Հայաստան ավարտվել է, առավոտյան ԱԺ նախագահ Ալեն Սիմոնյանը ճանապարհել է պատվիրակությանը։ Երևանում ունեցած ասուլիսի ժամանակ Փելոսին հայտնել է, որ ԱՄՆ-ն կանգնած է Հայաստանի կողքին՝ ժողովրդավարության և տնտեսական զարգացման հարցերում։ Փելոսին այցելել է նաև ՊՆ և հանդիպել է նախարար Սուրեն Պապիկյանի հետ, քննարկել է ռազմական համագործակցության հարցեր։
Այս ժամի լուրերը՝ տեսանյութում։
