27.11.2024 | 10:33
Արմավիրի համայնքային ոստիկանները թմրանյութ պահելու և օգտագործելու դեպքեր են բացահայտել
Սահմանի իրավիճակը՝ հրադադարի հայտարարումից հետո․ ԱԺ-ում կրքերը բորբոքվել են․ Լուրեր
Քաղաքականություն
15.09.2022 | 13:28
- Ժամը 11:00-ի դրությամբ հայ-ադրբեջանական սահմանին էական միջադեպեր չեն արձանագրվել։ ՊՆ խոսնակ Արամ Թորոսյանը հայտնել է, որ գիշերվա ընթացքում ևս հայ-ադրբեջանական սահմանին էական միջադեպեր չեն արձանագրվել։ Մինչ այդ՝ երեկոյան, ԱԽ քարտուղար Արմեն Գրիգորյանը հայտարարել էր, որ միջազգային հանրության ներգրավվածության շնորհիվ է հաջողվել ձեռք բերել հրադադարի պայմանավորվածություն։ Դրա պայմանները Գրիգորյանը չի հայտնել։
- Երեկոյան Սյունիքի, Վայոզ ձորի և Գեղարքունիքի մարզպետարանները հայտարարություններ են տարածել, որ այդ մարզերից որևէ բնակավայր չի անցել Ադրբեջանի վերահսկողության տակ։
- Հայաստանի խորհրդարանն այսօր վերսկսել է աշխատանքը։ Իշխանական ՔՊ խմբակցությունից Գևորգ Պապոյանը, նկատի ունենալով գիշերվա բողոքի գործողությունները, ասել է, թե դա պետական հեղաշրջման փորձ էր։
- «Հայաստան» խմբակցությունից էլ Գեղամ Մանուկյանը հայտարարեց, որ ցույցը ինքնաբուխ էր, մարդկանց հավաքվելու պատճառ էր դարձել Փաշինյանի ելույթը։ Մանուկյանի այս և այլ հայտարարություններից հետո դահլիճում լարվածություն եղավ, նիստն ընդմիջվեց։
Ավելի ուշ Factor TV-ի տեսախցիկը ֆիքսել է, որ խորհրդարանի միջանցքում ՔՊ ու «Հայաստան» խմբակցությունների վիճաբանությանը միջամտում են անվտանգության աշխատակիցները։
Այս ժամի լուրերը՝ տեսանյութում։
