01.11.2024 | 23:19
Հրդեհ Գյումրու տներից մեկում
ՊՆ խոսնակը՝ Ջերմուկի իրավիճակի, Արցախի ԱԳ նախարարը՝ Ստեփանակերտ-Երևան երթևեկի մասին․ Լուրեր
Քաղաքականություն
14.09.2022 | 14:45
- ՀՀ ՊՆ մամուլի խոսնակը ժամը 12-ի դրությամբ Ջերմուկի իրավիճակը ներկայացնելիս կրկնել է առավոտյան ունեցած ճեպազրույցի ասելիքը, մասնավորապես՝ գիշերը ադրբեջանցիները հարվածներ են հասցրել ԱԹՍ-ներով, իսկ առավոտյան Ջերմուկի և Վերին Շորժայի ուղղություններում վերսկսել են հրետանիով ինտենսիվորեն հարվածել և մարտական դիրքերին, և սահմանամերձ բնակավայրերին։ Խոսնակը նշել է, որ այլ ուղղություններով փոխհրաձգության ինտենսիվությունն էապես նվազել է։
- Ստեփանակերտ-Երևան ճանապարհին նորմալ երթևեկություն կա․ այս մասին Factor.am-ին հայտնել է ԱՀ Արտաքին գործերի նախարար Դավիթ Բաբայանը։ Նրա խոսքով՝ երթևեկությունը երբեք չի դադարեցվել, եղել է միայն խիստ անհրաժեշտության դեպքում։ Այժմ բնականոն հունով ընթանում է։
- ԱՄՆ պետքարտուղարության խոսնակ Նեդ Փրայսը հայտարարել է, որ ԱՄՆ-ն տարածաշրջանի բոլոր երկրներին, այդ թվում՝ Ռուսաստանին կոչ է անում օգտագործել իր ազդեցությունը Հայաստանի ու Ադրբեջանի վրա էսկալացիայի դադարեցման համար։
Ֆրանսիայի արտաքին գործերի նախարար Կատրին Կոլոնան հեռախոսազրույցներ է ունեցել Հայաստանի և Ադրբեջանի ԱԳ նախարարների հետ։ Նա պահանջել է դադարեցնել հարվածները Հայաստանի տարածքին, հարգել հրադադարը և վերադառնալ բանակցություններին։ Նախարարը հիշեցրել է, որ իրավիճակը կքննարկվի ՄԱԿ-ի Անվտանգության խորհրդում։
Այս ժամի լուրերը՝ տեսանյութում։
