10.10.2026 | 13:51
Ավինյանը շնորհավորել է Երևանի տոնը՝ կոչ անելով երևանցիներին դուրս գալ քաղաք և մասնակցել տոնակատարություններին
ԱՄՆ-ն ողջունում է հայ գերիների վերադարձը․ Նեդ Փրայս
Քաղաքականություն
09.09.2022 | 11:36
ԱՄՆ ողջունում է հայ 5 ռազմագերիների վերադարձը ՀՀ։ Այս մասին Twitter-ում գրել է ԱՄՆ Պետդեպարտամենտի մամուլի քարտուղար Նեդ Փրայսը։
«Մենք ողջունում ենք հայ կալանավորների հայրենիք վերադարձի մասին հաղորդումները, ինչը դրական զարգացում է Հայաստանի և Ադրբեջանի միջև խաղաղ գործընթացի համար։ Մենք հուսով ենք, որ մնացած բոլոր կալանավորները ևս շուտով կվերադառնան տուն, և Ադրբեջանն ու Հայաստանը կշարունակեն քայլեր ձեռնարկել վստահություն ձևավորելու և առկա տարաձայնությունները լուծելու համար»,- գրել է ամերիկացի պաշտոնյան։
Հիշեցնենք, որ ՀՀ Ազգային անվտանգության ծառայությունը երեկ երեկոյան հայտնել էր, որ ադրբեջանական կողմը Հայաստան է վերադարձրել հինգ ռազմագերի, իսկ ադրբեջանական լրատվամիջոցներն ավելի վաղ գրել էին, որ հանձնումը տեղի է ունենալու Հայաստանի հետ սահմանային կետերից մեկում:
Տաթև Ֆռանգյան
