06.11.2026 | 19:13
Տեղի է ունեցել Հայաստանի և Վրաստանի պետական սահմանի սահմանազատման և սահմանագծման հանձնաժողովների միջև հանդիպումը
Մոսկվայում այսօր սպասվում է Հայաստանի և Ադրբեջանի միջև սահմանազատման և սահմանային անվտանգության հարցերով հանձնաժողովների հանդիպումը
Քաղաքականություն
30.08.2022 | 10:50
Այսօր՝ օգոստոսի 30-ին, Մոսկվայում կհանդիպեն Հայաստանի և Ադրբեջանի միջև պետական սահմանի սահմանազատման և սահմանային անվտանգության հարցերով հանձնաժողովները։ Այս մասին ավելի վաղ հայտնել էին փոխվարչապետ Մհեր Գրիգորյանի գրասենյակից։ Սա փոխվարչապետների ղեկավարած հանձնաժողովների երկրորդ հանդիպումն է։
Հանձնաժողովներ ստեղծելու մասին հայտարարվել էր մայիսի 22-ին Բրյուսելում տեղի ունեցած Փաշինյան-Ալիև հանդիպումից հետո։ Հայաստանի և Ադրբեջանի փոխվարչապետների առաջին հանդիպումը տեղի էր ունեցել մայիսի 24-ին Երասխ բնակավայրի ուղղությամբ։ Պայմանավորվածություն էր ձեռք բերվել երկրորդ հանդիպումն անցկացնել Մոսկվայում, երրորդը՝ Բրյուսելում։
Իսկ վաղը՝ օգոստոսի 31-ին Եվրոպական խորհրդի նախագահ Շառլ Միշելի միջնորդությամբ Բրյուսելում սպասվում է Փաշինյան-Ալիև հերթական հանդիպումը։
