06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Փաշինյան-Պուտին հեռախոսազրույց կկայանա այսօր․ ԱՄՆ-ն 60 մլն դոլար կուղղի ՀՀ, ևս 2 մլն՝ Արցախ․ Լուրեր
Քաղաքականություն
29.08.2022 | 15:51
- Այսօր հեռախոսազրույց կլինի Հայաստանի վարչապետ Նիկոլ Փաշինյանի և Ռուսաստանի նախագահ Վլադիմիր Պուտինի միջև, հայտնել է ՌԴ նախագահի մամուլի խոսնակ Դմիտրի Պեսկովը։ Հեռախոսազրույցը կլինի 25 տարի առաջ ստորագրված հայ-ռուսական բարեկամության պայմանագրի տարեդարձի առիթով։
- Երկու երկրների ԱԳ նախարարություններն արդեն հայտարարություններ են տարածել պայմանագրի 25-ամյակի առիթով։ Պաշտոնական Երևանը հայտարարել է բոլոր ուղղություններով սերտ, փոխվստահելի երկխոսությունը շարունակելու «անշեղ նպատակամղվածության մասին»։ Ռուսական կողմից էլ հայտարարել են, որ «վճռական են ավելի ամրապնդելու ռուս-հայկական դաշինքը, օգնելու Հայաստանին իր պաշտպանունակության և սահմանային անվտանգության ամրապնդման գործում»։
- ԱՄՆ պետքարտուղարության 2023 թվականի բյուջեով առնվազն 60 մլն դոլար հատկացում կլինի Հայաստանին՝ տնտեսական զարգացման համար, մասնավոր ոլորտի արտադրողականության, էներգետիկ անկախության, ժողովրդավարության և օրենքի գերակայության և այլ նպատակների համար։ Բացի այդ, նախատեսվում է ոչ պակաս, քան 2 մլն ԱՄՆ դոլար ՝ Լեռնային Ղարաբաղի ականազերծման գործողությունների համար։
Այս ժամի լուրերը՝ տեսանյութում։
