07.10.2026 | 12:47
Դատախազությունը պահանջում է ՊԵԿ նախկին պաշտոնյայից հօգուտ պետության բռնագանձել 3 անշարժ գույք, մեքենա և շուրջ 450 մլն դրամ
«Փեթակ»-ի աշխատակիցները դադարեցրել են ակցիան, դեռ սպասում են որոշման
22.08.2022 | 15:09
«Փեթակ» առևտրի կենտրոնի աշխատակիցները դադարեցրել են ակցիան, թեև պատկան մարմիններից հստակ պատասխան չեն ստացել առևտրի կենտրոնի աշխատանքը վերականգնելու իրենց պահանջի հետ կապված։ Factor․am-ի հետ զրույցում առևտրի կենտրոնի աշխատակիցներից մեկը հայտնեց, որ սպասում են հայտարարության։
Հիշեցնենք, որ առավոտից «Փեթակ»-ի մի խումբ տնտեսվարողներ հավաքվել էին՝ պատկան մարմիններից պահանջելով հստակ նշել, թե երբ կբացվի առևտրի կենտրոնը, և երբ իրենք կարողանան վերադառնալ աշխատանքի։ Նրանց խոսքով՝ առևտրի կենտրոնի չաշխատելը խնդիր է տնտեսվարողների համար, քանի որ ունեն հարկային պարտավորություններ, վարձակալության վճարներ։
ՀՀ ԱԻՆ մամուլի խոսնակ Հայկ Կոստանյանը տեղեկացրել էր, որ Ոստիկանության, Քննչական կոմիտեի և ԱԻՆ պաշտոնյանները քննարկում են այդ հարցը։
«Այս պահին դեռ վերջնական որոշում չկա, լինելու պես կհայտարարենք»,- Factor․am-ին ասաց Հայկ Կոստանյանը։
Սաթենիկ Հայրապետյան
