30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Արցախում վիրավորում ստացած ծայրահեղ ծանր վիճակում գտնվող զինծառայողի առողջական վիճակում դրական շարժ կա
08.08.2022 | 17:51
Արցախում վիրավորում ստացած 19 զինծառայողներից 2-ը դուրս են գրվել հիվանդանոցից: Այս մասին Factor.am-ի հետ զրույցում տեղեկացրեց ՀՀ ՊՆ մամուլի խոսնակ Արամ Թորոսյանը։
Մյուս զինծառայողները շարունակում են բուժում ստանալ:
«10 վիրավոր զինծառայող բուժում է ստանում Երևանում, այդ թվում՝ ծայրահեղ ծանր վիճակում գտնվող զինծառայողը. վերջինիս առողջական վիճակում նկատվում է դրական շարժ: Մյուս 9 զինծառայողներից 1-ի վիճակը գնահատվում է ծանր, նա ապաքինվում է, 3-ինը՝ միջին ծանրության, նրանք նույնպես ապաքինվում են։ Մյուսների վիճակը գնահատվում է թեթև, եւս՝ ապաքինվում են»,- նշեց Թորոսյանը։
Հիշեցնենք՝ օգոստոսի 3-ի առավոտից Ադրբեջանի զինված ուժերը նռնականետեր և անօդաչու թռչող սարքեր են կիրառել Արցախի Պաշտպանության բանակի դիրքերի ուղղությամբ։ Ադրբեջանական գործողությունների հետևանքով զոհվել է ՊԲ երկու զինծառայող։
Անժելա Պողոսյան
