02.05.2024 | 09:45
Փակ է Արագածոտնի մարզի Ամբերդի խաչմերուկից դեպի Քարի լիճ տանող ավտոճանապարհը
Ռուս խաղաղապահների հրամանատարը հանդիպել է Արցախի հասարակական և ընդդիմադիր գործիչներին
Քաղաքականություն
04.08.2022 | 19:08
Արցախում տեղակայված ռուս խաղաղապահ զորախմբի հրամանատար Անդրեյ Վոլկովը հանդիպել է Լեռնային Ղարաբաղի ընդդիմադիր և հասարակական գործիչների հետ։ Այս մասին տեղեկանում ենք խաղաղապահ զորախմբի տելեգրամյան պաշտոնական ալիքից։
Նշվում է, որ հանդիպման ընթացքում գեներալ-մայոր Վոլկովը պարզաբանել է խաղաղապահ զորախմբի դիրքորոշումը տեղի ունեցող իրադարձությունների կապակցությամբ, տեղեկացրել կատարված աշխատանքի մասին ու վստահեցրել, որ ՌԴ-ն բոլոր միջոցները ձեռնարկում է՝ իրավիճակի հետագա սրացում թույլ չտալու համար։
Այլ մանրամասներ չեն հաղորդվում։
Ի դեպ, հանդիպման ժամանակ սեղանին դրված է եղել նաև Ադրբեջանի դրոշը, իսկ Հայաստանի դրոշը՝ գլխիվայր շրջված։ Ավելի ուշ խաղաղապահ զորախմբի տելեգրամյան ալիքում լուսանկարը փոխվել է, որում արդեն Հայաստանի դրոշը ճիշտ դիրքով է։
Էմմա Չոբանյան
