05.05.2025 | 17:02
Երևանն ու Մարսելը համագործակցության նոր էջ են բացում․ Ավինյան
ՊՆ-ն կապի մեջ է Կոսովոյում առաքելություն իրականացնող հայ խաղաղապահների հետ
Քաղաքականություն
01.08.2022 | 15:10
ՀՀ պաշտպանության նախարարությունը ինտենսիվ կապի մեջ է Կոսովոյում գտնվող հայ խաղաղապահ զորախմբի հետ, այս մասին այսօր Factor․am-ին ասաց ՊՆ մամուլի խոսնակ Արամ Թորոսյանը։ Նրա խոսքով հայ խաղաղապահները շարունակում են իրենց առաքելությունն իրականացնել։
«Կոսովոյում գտնվող հայ խաղաղապահ զորախումբը շարունակում է իր առաքելությունը՝ ըստ նախատեսված պլանի », – ասաց Թորոսյանը։
Հիշեցնենք, որ հուլիսի 31-ին զինված բախումներ էին սկսվել Կոսովոյի՝ հիմնականում սերբերով բնակեցված հյուսիսային շրջանում՝ Կոսովո մեկնելու կանոնների փոփոխության պատճառով։ Սերբիայի նախագահ Ալեքսանդր Վուչիչը հայտարարել էր, թե Կոսովոյի բանակը պատրաստվում է կեսգիշերին հարձակվել երկրի հյուսիսում գտնվող սերբերի վրա։ «Եթե նրանք փորձեն հալածել սերբերին, ահաբեկել սերբերին, սպանել սերբերին, Սերբիան կհաղթի: Սա այն ամենն է, ինչ ես ուզում եմ ասել», – ասել էր Ցուչիչը: Ավելի ուշ նա հայտարարել էր, թե Սերբիան «խաղաղության է ձգտելու»։ Կոսովոյի վարչապետ Ալբին Կուրտին իր հերթին անկարգությունների հրահրման մեջ մեղադրել էր Սերբիայի նախագահին։
