10.10.2026 | 13:51
Ավինյանը շնորհավորել է Երևանի տոնը՝ կոչ անելով երևանցիներին դուրս գալ քաղաք և մասնակցել տոնակատարություններին
ՀԱՊԿ գլխավոր քարտուղարի տեղակալը հայտնել է, որ Ուկրաինայում դաշինքի ուժերի կիրառման ծրագրեր չկան
Քաղաքականություն
01.08.2022 | 13:21
Ուկրաինայում ՀԱՊԿ հավաքական ուժերի կիրառման հարց չի դիտարկվում։ Այս մասին հայտարարել է կազմակերպության գլխավոր քարտուղարի տեղակալ Վալերի Սեմերիկովը «Союзники. ОДКБ» պարբերականի հետ զրույցում, գրում է ՏԱՍՍ-ը։
«Ուկրաինայում և նրա շուրջ տեղի ունեցող իրադարձություններն ուղղակիորեն շոշափում են առնվազն ՀԱՊԿ անդամ երկու երկրի՝ Ռուսաստանի ու Բելառուսի շահերը, և Մոսկվայի ու Մինսկի նախաձեռնությամբ այդ թեման քննարկվել է անդամ երկրների ղեկավարների վերջին հոբելյանական հանդիպման ժամանակ։ Միաժամանակ, ՀԱՊԿ ձևաչափում որևէ գործողության մասին խոսք չկա»,- ասել է նա։
Սեմերիկովը նշել է, որ կազմակերպության քարտուղարությունում իրավիճակն այդ ուղղությումբ վերահսկվում ու վերլուծվում է։
«Համակ ուշադրությամբ ենք հետևում ԱՄՆ-ի և Արևմուտքի այլ երկրների գործողություններին մեր պետությունների սահմանների մոտ»,- ասել է Սեմերիկովը։
Հիշեցնենք, որ ՀԱՊԿ անդամ երկրներն են Հայաստանը, ՌԴ-ն, Բելառուսը, Ղազախստանը, Տաջիկստանն ու Ղրղզստանը։
Էմմա Չոբանյան
