16.09.2026 | 20:30
ՌԴ-ն նոր պատժամիջոցներ կկիրառի՝ հենց ՀՀ-ն որոշի ռազմաբազան հեռացնել․ Դավիթ Կարապետյան․ ՏԵՍԱՆՅՈՒԹ
Սերբիայի նախագահ Վուչիչն առաջիկա ամիսներին էներգետիկ ճգնաժամ է կանխատեսում
Քաղաքականություն
29.07.2022 | 17:49
Սերբիայի նախագահ Ալեքսանդր Վուչիչը հայտարարել է, որ առաջիկա ութ ամիսներին երկրում դժվար ժամանակներ են լինելու՝ փաստացիորեն արտակարգ դրություն , միջազգային էներգետիկ ճգնաժամի պատճառով, ասել է նա TV Pink-ին տված հարցազրույցում։
«Մենք ամեն ինչ անելու ենք ճգնաժամը հաղթահարելու համար. այսօր ես երկար զրուցեցի կառավարության ղեկավարի, ֆինանսների նախարարի հետ։ Մեզ համար այս ութ ամիսները՝ օգոստոսից մինչև մարտի 31-ը, լինելու են ամենադժվարներից մեկը»,- ասել է նա՝ նշելով, որ արտակարգ դրությունը պաշտոնական մակարդակով չի մտցվելու, բայց երկրում իրավիճակը լիովին կհամապատասխանի արտակարգ իրավիճակին։
Վուչիչը խոսել է երաշտի դեմ պայքարող մի շարք շրջաններում (Ջերդապ և Պերուչակ) խնդիրների մասին, ինչը, ըստ նրա, թույլ չի տալիս էներգիա արտադրել հիդրոկայաններում։ Նա խոսել է նաև Եվրոպայում էլեկտրաէներգիայի գների էական բարձրացման մասին։
Սերբիայի նախագահը նշել է, որ երկրի բյուջեն «արյունահոսում» է, քանի որ էլեկտրաէներգիայի գները ռեկորդներ են գրանցում՝ չնայած, ըստ Վուչիչի, սերբիայի քաղաքացիները դրա համար վճարում են 14 անգամ ավելի քիչ, քան մյուս եվրոպացիները՝ կառավարության միջամտության շնորհիվ։
Տաթև Ֆռանգյան
