16.09.2026 | 20:06
Աշխատակիցներին սպառնում են աշխատանքից ազատել քաղաքական հայացքների պատճառով. «Անկախ դիտորդ»-ը ահազանգում է
Հակահարձակման արդյունքում Խերսոնը կտրվել է Ռուսաստանի կողմից գրավված այլ տարածքներից․ բրիտանական հետախուզություն
Քաղաքականություն
28.07.2022 | 14:34
Մեծ Բրիտանիայի ռազմական հետախուզության տվյալներով՝ ուկրաինական հակահարձակումը գործնականում կտրել է ՌԴ-ի կողմից գրավված Խերսոնը զավթված այլ տարածքներից՝ Դնեպրի մոտ տեղակայված ռուս հազարավոր զինծառայողների դարձնելով խոցելի, գրում է DW-ի ռուսական ծառայությունը։
Մեծ Բրիտանիայի ՊՆ տարածած ամփոփագրում նշվում է, որ ուկրաինական ուժերը, ամենայն հավանականությամբ, ստեղծել են ամրություններ Ինգուլեց գետից հարավ և օգտագործել նոր հեռահար հրետանի՝ վնասելով Դնեպրով անցնող առնվազն երեք կամուրջ, որոնք Ռուսաստանը օգտագործում է իր վերահսկողության տակ գտնվող տարածքներ մատակարարումների համար։
«Դրանցից մեկը՝ Անտոնովի 1000 մետրանոց կամուրջը, վնասվել է անցյալ շաբաթ։ Ուկրաինան կրկին հարված է հասցրել դրան հուլիսի 27-ին, և հիմա այն, ամենայն հավանակությամբ, պիտանի չէ փոխադրումների համար»,-ասվում է ամփոփագրում։ Ըստ բրիտնական գերատեսչության՝ Խերսոնը հիմա գործնականում կտրված է Ռուսաստանի կողմից գրավված Ուկրաինայի այլ տարածքներից։ «Դրա կորուստը լրջորեն կխաթարի Ռուսաստանի՝ օկուպացիան հաջողված ներկայացնելու փորձերը»,-ասվում է ՊՆ ամփոփագրում։
Էմմա Չոբանյան
