06.11.2024 | 13:30
Հուսով ենք՝ Ադրբեջանի ձեռքբերումները կամրապնդվեն խաղաղության պայմանագրի ստորագրմամբ․ Էրդողան
ԱՄՆ-ը լրացուցիչ 74 մլն դոլարի մարդասիրական օգնություն կհատկացնի Ուկրաինային
Քաղաքականություն
28.07.2022 | 12:43
ԱՄՆ Միջազգային զարգացման գործակալությունը (USAID) ուկրաինացիներին հավելյալ 74 մլն դոլարի մարդասիրական օգնություն կհատկացնի։ Այս մասին հինգշաբթի՝ հուլիսի 28-ին, ֆեյսբուքյան իր էջում հայտնել է ԱՄՆ-ում Ուկրաինայի դեսպան Օկսանա Մարկարովան։ Նրա խոսքով՝ լրացուցիչ ֆինանսավորումը կուղղվի տուժած քաղաքացիներին առաջին անհրաժեշտության պարագաներով, ժամանակավոր բնակության վայրերով և ֆինանսական միջոցներով ապահովելու, ինչպես նաև անհրաժեշտ բժշկական և հոգեբանական աջակցություն ցուցաբերելու համար։
USAID-ի կայքը հայտնում է, որ վերջին հինգ ամիսների ընթացքում գործակալության միջոցով տրամադրված մարդասիրական օգնության ընդհանուր գումարը կազմում է ավելի քան 1 միլիարդ դոլար, իսկ ԱՄՆ կառավարության կողմից տրամադրված ընդհանուր գումարը՝ ավելի քան 1,5 միլիարդ դոլար:
Հիշեցնենք, որ հուլիսի 20-ին հայտնի դարձավ ԱՄՆ-ի կողմից Ուկրաինային մարդասիրական կարիքների համար շուրջ 170 մլն դոլար հատկացնելու մասին։
Ուշագրավ է, որ ամերիկացիների մեծամասնությունը պաշտպանում է Ուկրաինային օգնելու գաղափարը՝ չնայած գնաճին և էներգակիրների թանկացմանը։
Տաթև Ֆռանգյան
