16.09.2026 | 16:54
Քաղցրաշենի մանկապարտեզի շենքում օձ է նկատվել․ երեխաներին տարհանել են
CNN-ը հրապարակել է ուկրաինական պատերազմում ռուսական կողմի կորուստների թիվը
Քաղաքականություն
28.07.2022 | 12:01
Ուկրաինայի դեմ Կրեմլի սանձազերծած պատերազմի ընթացքում ռուսական կողմից սպանվել կամ վիրավորվել է ավելի քան 75 հազար մարդ։ Այս տվյալները հայտնում է CNN-ը՝ հղում անելով Դեմոկրատական կուսակցության պատգամավոր, Ներկայացուցիչների պալատի զինված ուժերի կոմիտեի անդամ Էլիսա Սլոտկինին։ «Մեզ տեղեկացրին, որ ավելի քան 75 հազար ռուս կա՛մ սպանվել, կա՛մ վիրավորվել է, ինչը մեծ թիվ է»,- ասել է նա։
Էլիսա Սլոտկինն ավելացրել է․ «Նրանց ցամաքային զորքերի ավելի քան 80%-ը կորցրել է մոբիլությունը և շատ հոգնած է… բայց նրանք դեռևս ռուս զինվորականներ են»:
Նրա խոսքով, այս պահին առանցքայինն այն էր, թե ինչ կարող է և ինչ պետք է անի ԱՄՆ-ն ուկրաինացիների համար շատ շտապ՝ բառացիորեն առաջիկա երեքից վեց շաբաթվա ընթացքում: Սլոտկինը նշել է, որ «ուկրաինացիները ցանկանում են շարժվել հարավ և գործողություններ իրականացնել հարավում»։
Տաթև Ֆռանգյան
