08.06.2026 | 08:30
Ամփոփվել են 1924 ընտրատեղամասերից ստացված նախնական արդյունքները. ԿԸՀ
Թուրքիան հայտարարում է, որ Շվեդիան չի կատարել իրենց պահանջը
Քաղաքականություն
27.07.2022 | 20:59
Շվեդիան դեռևս Թուրքիային չի արտահանձնել կասկածյալներին, որոնց Թուրքիան մեղադրում է ահաբեկչության մեջ՝ չնայած երկրների միջև կնքված հուշագրին ու Անկարայի կողմից ՆԱՏՕ-ի անդամակցության վետոյի չեղարկմանը։ Այս մասին հայտարարել է Թուրքիայի ԱԳ նախարար Մևլութ Չավուշօղլուն, գրում է Reuters-ը։
Շվեդիան և Ֆինլանդիան դիմել էին ՆԱՏՕ-ին անդամակցելու համար՝ ի պատասխան Ռուսաստանի Ուկրաինա ներխուժման, սակայն բախվեցին Թուրքիայի հակազդեցությանը, որը մեղադրում է սկանդինավյան երկրներին Անկարայի դեմ զենքի էմբարգո սահմանելու և այն խմբերին, որոնց նա համարում է ահաբեկիչներ, աջակցելու մեջ։ Ի վերջո, Թուրքիան համաձայնեց վետո չդնել, երեք երկրները համաձայնագիր են ստորագրել հակաահաբեկչական խոստումների դիմաց, սակայն Թուրքիան հայտարարել է, որ արգելափակելու է նրանց անդամակցության հայտերը, եթե խոստումները չկատարվեն: Անկարան պահանջում է արտահանձնել 73 մարդու Շվեդիայից, ինչպես նաև ևս մեկ տասնյակին՝ Ֆինլանդիայից:
Հավելենք, որ Շվեդիայի ու Ֆինլանդիայի իշխանությունները հայտարարել են, որ կատարելու են ահաբեկչութան դեմ պայքարի վերաբերյալ Թուրքիայի հետ ձեռք բերված պայմանավորվածությունները, սակայն չեն երաշխավորելու քրդերի արտահանձնումը։ Նրանք նշում են, որ արտահանձնման որոշումը կայացնելու է դատարանը և գործընթացներն ընթանալու են երկրների օրեսդրությանը համապատասխան։
Էմմա Չոբանյան
