07.10.2026 | 23:48
Արթուր Դանիելյանը կալանավորվեց
1994թ-ից Մինսկի խմբի համանախագահ ենք, բայց պատրաստ ենք օգնել Հայաստանին ու Ադրբեջանին նաև երկկողմ ձևաչափում․ ԱՄՆ Պետդեպ
Քաղաքականություն
27.07.2022 | 12:12
ԱՄՆ Պետքարտուղարության մամուլի խոսնակ Նեդ Փրայսը նախօրեին ճեպազրույցում անդրադարձել է պետքարտուղար Էնթոնի Բլինքենի՝ Հայաստանի ու Ադրբեջանի ղեկավարի հետ հեռախոսազրույցներին։ Նա նշել է, որ հաջողվել է, որ որոշակի առաջընթացի հասնել։
«Մեր հայաստանցի ու ադրբեջանցի գործընկերների հետ շարունակական ներգրավվածությունների և դիվանագիտական զրույցների միջոցով մենք կարծում ենք, որ կարող ենք շարունակել առաջընթացը։ Պետքարտուղարը մի շարք զանգեր է ունեցել Հայաստանի և Ադրբեջանի ղեկավարության հետ, սակայն այս շենքում կան մի շարք մարդիկ, բարձրաստիճան պաշտոնյաներ, որոնք ներգրավված են իրենց գործընկերների հետ բոլոր մակարդակներում՝ շարունակելու այս իմպուլսը և առաջարկելու մեր օգնությունը հարցերում, որում մենք ձգտում ենք երկարատև, համապարփակ խաղաղության»,-ասել է Փրայսը։
Պատասխանելով հարցին, թե Ադրբեջանի նախագահ Իլհամ Ալիևի գրասենյակը պնդում է, որ Մինսկի խմբի մասին զրույցում չի խոսվել, Փրայսը նշել է, որ ԱՄՆ-ն իր հայտարարություններում,այդ թվում՝ երեկվա, հստակեցրել է, որ պատրաստ է աջակցել այս երկու երկրներին և համախոհ գործընկերներին ցանկացած ձևաչափով, որը ամենաարդյունավետը կլինի։
«Մենք Մինսկի խմբի համանախագահ ենք 1994թ-ից, սակայն ինչպես ցույց ենք տվել, մենք նաև պատրաստ ենք գործակցել երկրների հետ երկկողմանի՝ օգնելու Հայաստանին ու Ադրբեջանին գտնել երկարաժամկետ, համապարփակ խաղաղություն»,-ասել է ԱՄՆ Պետքարտուղարության խոսնակը։
Էմմա Չոբանյան
