07.10.2026 | 13:16
Վարդաձորի դպրոցում միջադեպը կուսումնասիրեն, ուսուցչուհուն կարող են զրկել մանկավարժական գործունեության իրավունքից
Արտաբույնք գյուղի տներից մեկի մոտակա անասնագոմում և հացատանը հրդեհ է բռնկվել
23.07.2022 | 19:33
Հուլիսի 23-ին՝ ժամը 15:42-ին, Վայոց ձորի մարզային ճգնաժամային կառավարման կենտրոն ահազանգ է ստացվել, որ հրդեհ է բռնկվել Արտաբույնք գյուղի 7-րդ փողոցի տներից մեկում:
Դեպքի վայր են մեկնել ԱԻՆ ՓԾ մարզային փրկարարական վարչության օպերատիվ խումբը և հրշեջ-փրկարարական ջոկատից երկու մարտական հաշվարկ։
Ինչպես տեղեկացնում են ՀՀ ԱԻՆ-ից, պարզվել է, որ հրդեհը բռնկվել է 7-րդ փողոցի տներից մեկի մոտակա անասնագոմում և հացատանը:
Հրդեհը մեկուսացվել է ժամը 16:33-ին, մարվել՝ 16:51-ին: Այրվել են հացատան և անասնագոմի ընդհանուր ծածկի (մոտ 50 քմ) փայտե կառուցատարրերը՝ մասամբ (մոտ 25 քմ), հացատանը պահեստավորած ցորեն (մոտ 100 կգ) և թեփ (մոտ 100 կգ)։
Հրշեջ-փրկարարները կանխել են հրդեհի տարածումը դեպի տուն:
