18.12.2025 | 21:24
Պաշտոնական այցերից ինչ նվերներով են վերադարձել ԱԺ նախագահը, ԱԳ նախարարն ու ԱԽ քարտուղարը
ԱԱԾ-ի նախագծին դեմ ենք, որն առնչվում է սփյուռքահայերի քաղաքացիություն շնորհելուն. Սինանյան․ ՏԵՍԱՆՅՈՒԹ
Քաղաքականություն
21.07.2022 | 12:37
«ԱԱԾ նախագծի հետ կապված երկու բաղադրիչ կա, մեկը՝ թե ինչպես դա կանդրադառնա հայրենադարձության վրա: Կարծում եմ՝ դա հայրենադարձության վրա չի ազդի, քանի որ մարդիկ, ովքեր նպատակ ունեն հայրենադարձվելու և վերջին երկու տարում 60 օր չեն անցկացրել Հայաստանում, կարող են գալ և այդ 60 օրը մնալ, հետո դիմել քաղաքացիություն ստանալու համար»,- այս մասին Կառավարության նիստից հետո լրագրողների հետ զրույցում նշեց ՀՀ սփյուռքի գործերի գլխավոր հանձնակատար Զարեհ Սինանյանը՝ անդրադառնալով սփյուռքահայերին քաղաքացիություն շնորհելու վերաբերյալ ԱԱԾ նախագծին, որով սահմանափակումներ են նախատեսվում:
«Այլ հարց է, որ Հայաստան – Սփյուռք հարաբերությունների իմաստով դրական փոփոխություն չի նախաձեռնվել, հետևաբար մեր գերատեսչությունն այս փոփոխությանը կողմ չէ: Մենք մեր դիրքորոշումը հայտնի ենք դարձրել. մենք դեմ ենք այս փոփոխությանը, այն ցանկալի փոփոխություն չէ:
Իսկ թե ինչով է պայմանավորված այդ փոփոխությունը, ԱԱԾ-ին պետք է հարցնել, ԱԱԾ-ն պետք է հիմնավորումներ ներկայացնի»,- նշեց Սինանյանը:
Մանրամասները՝ տեսանյութում:
