Քաղաքականություն
21.07.2022 | 16:12
Մեծ Բրիտանիան որոշել է օգոստոսից արգելել ՌԴ-ից ածխի ներմուծումը, իսկ դեկտեմբերի վերջին՝ նավթի ներմուծումը, հայտնում է Դաունինգ սթրիտը, գրում է Ինտերֆաքսը։
«Փոփոխություն է ընդունվում, որն արգելում է նավթի և նավթամթերքի, ածխի և ոսկու ներմուծումը, արգելվում է նաև ուղղակի կամ անուղղակիորեն գնել, մատակարարել այդ ապրանքները»,- ասվում է հինգշաբթի հրապարակված պարզաբանումների մեջ։
Արգելքը վերաբերում է նաև այդ ապրանքների հետ կապված տեխնիկական աջակցության և ֆինանսական ծառայությունների մատուցմանը:
«Ոսկու ներկրման արգելքն ուժի մեջ է մտել հուլիսի 21-ից: Ածխի ներմուծման արգելքն ուժի մեջ կմտնի 2022 թվականի օգոստոսի 10-ից, իսկ նավթի ներմուծման վրա՝ 2022 թվականի դեկտեմբերի 31-ից»,- պարզաբանում է բրիտանական կառավարությունը։
Ապրիլին Մեծ Բրիտանիայի արտաքին գործերի նախարարությունը հայտնել էր, որ երկիրը կհրաժարվի 2022 թվականի ընթացքում ռուսական ածուխի և նավթի ներկրումից, իսկ հետո՝ հնարավորության սահմաններում, գազից։
Տաթև Ֆռանգյան
