30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Մի կողմից անօրինական կալանքի ինստիտուտ ունենք, մյուս կողմից՝ ՔԿՀ-ներում բուժսպասարկման խնդիրներ․ Հասմիկ Հարությունյան․ ՏԵՍԱՆՅՈՒԹ
Հասարակություն
19.07.2022 | 14:13
«Ինչո՞ւ է Հայաստանում շարունակվում լայնորեն կիրառվում նախնական կալանքը որպես խափանման միջոց, ի՞նչ խնդիր է լուծում իրավապահ համակարգը և որքանո՞վ է երաշխավորված անազատության մեջ գտնվող անձանց առողջապահական իրավունքը: Այս հարցերին հանգամանորեն անդրադարձ կատարվեց «Կալանքը որպես խափանման միջոց համատարած կիրառման խնդիրներն ու առողջապահական իրավունքի հասանելիությունը» թեմայով քննարկման ժամանակ:
2018թ. փակ հաստատություններում արձանագրվել է 18 մահվան դեպք, 2019-ին՝ 21, 2020-ին՝ 5, 2021-ին՝ 13: Այս թվերի հետևում կան խնդիրներ, որոնց միգուցե անդրադարձ չի կատարվել: Քննարկման ժամանակ այս մասին հայտնեց ՀՀ ԱՆ քրեակատարողական հիմնարկներում և մարմիններում հասարակական վերահսկողություն իրականացնող հասարակական դիտորդների խմբի անդամ Հասմիկ Հարությունյանը:
Նրա խոսքով՝ քրեական արդարադատության համակարգում առկա ամենաարատավոր երևույթը կալանքի պրակտիկան է, որը մշտապես կիրառվում է:
«Կալանքի հոդվածը մեր բոլոր իշխանությունների ամենասիրելի հոդվածն է, որը հանգեցնում է բացասական հետևանքների: Կալանքը հաճախ կիրառվում է որպես պատժիչ միջոց, որը արդարացում չի կարող ունենալ:
Մի կողմից՝ անօրինական կալանքի ինստիտուտ ունենք, մյուս կողմից՝ ՔԿՀ-ներում բուժսպասարկման խնդիրներ, որի հետևանքով շարունակաբար արձանագրվում են առողջության հետ կապված լուրջ հարցեր և մահվան դեպքեր»,- նշեց Հարությունյանը:
Մանրամասները՝ տեսանյութում:
