16.02.2026 | 23:24
Այրվել են պահեստային բաքերը և բեռնատար մեքենա. մանրամասներ Թալինի գազալցակայաններից մեկում բռնկված հրդեհից
Արմեն Գրիգորյանը՝ ԼՂ-ից ՀՀ ԶՈՒ-ի դուրսբերման, Բորելը՝ Միրզոյան-Բայրամով հանդիպման մասին․ Լուրեր
Քաղաքականություն
19.07.2022 | 13:09
- ԱԽ քարտուղար Արմեն Գրիգորյանը «Արմենպրեսի» հետ զրույցում արդարացրել է ՀՀ ԶՈՒ ժամկետային զինծառայողների դուրսբերումը ԼՂ մնացած տարածքից։ Նա ասել է, թե հրադադարի հաստատումից և ԼՂ-ում Ռուսաստանի խաղաղապահների տեղակայումից հետո ՀՀ ԶՈւ ստորաբաժանումների դուրսբերումը ԼՂ-ից տրամաբանական է: Գրիգորյանը պնդել է, թե նախկինում էլ ԼՂ անվտանգության ապահովման գործառույթն իրականացրել է ԼՂ Պաշտպանության բանակը: Եվ այս առումով որևէ բան չի փոխվում: Ըստ Գրիգորյանի՝ Հայաստանից Արցախում ծառայության չեն ներգրավվի ո՛չ ժամկետային, ո՛չ պայմանագրային զինծառայողներ։
- Ռուսաստանի արտաքին հետախուզության ծառայության ղեկավար Սերգեյ Նարիշկինը հայտարարել է, որ իր երևանյան այցը որևէ կերպ կապված չէ ԱՄՆ Կենտրոնական հետախուզական վարչության տնօրեն Ուիլյամ Բըրնսի վերջերս Երևան կատարած այցի հետ։ Ռուս լրագրողների հետ զրույցում նա նաև հայտարարել է, որ «Ռուսաստանը բավականաչափ ուժ ու ռեսուրս ունի, որպեսզի դժվար պահին պաշտպանի դաշնակիցներին ու ընկերներին»։
- ԵՄ արտաքին հարաբերությունների ու անվտանգության հարցերով բարձր ներկայացուցիչ Ժոզեպ Բորելը ողջունել է Թբիլիսիում կայացած ՀՀ ԱԳ նախարար Արարատ Միրզոյանի ու Ադրբեջանի ԱԳ նախարար Ջեյհուն Բայրամովի հանդիպումը։ Նրա խոսքով՝ դա կարևոր քայլ է համապարփակ կարգավորման համար։
Այս ժամի լուրերը՝ տեսանյութում։
