30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Պրոդյուսեր Արմեն Գրիգորյանը դատարանի դահլիճում ուշագնաց է եղել․ նրա կյանքը չի հաջողվել փրկել
15.07.2022 | 16:12
Երևանի ընդհանուր իրավասության դատարանի «Կենտրոն» նստավայրում այսօր ընթանում էին պրոդյուսեր Արմեն Գրիգորյանի գործով նախնական դատալսումները։ Գրիգորյանի ինքնազգացողությունը վատացել է պաշտպան Ռուբեն Մելիքյանի ելույթի ժամանակ․ նա կորցրել է գիտակցությունը՝ ընկնելով աթոռից: Կանչով ժամանած շտապօգնության բրիգադը փորձել է վերակենդանացման գործողություններ իրականացնել, սակայն ապարդյուն։ «Շտապ օգնության ՓԲԸ» տնօրեն Թագուհի Ստեփանյանը Factor.am-ի հետ զրույցում տեղեկացրեց, որ Արմեն Գրիգորյանի կյանքը փրկել չի հաջողվել։
Արմեն Գրիգորյանը կալանքի տակ էր մայիսի 17-ից: Նա մեղադրվում էր ՀՀ քրեական օրենսգրքի 226.2-րդ հոդվածով՝ ազգային արժանապատվությունը հրապարակայնորեն նվաստացնելուն ուղղված գործողություններ կատարելը:
