23.11.2024 | 15:55
Իսրայելի օդուժը հարվածներ է հասցրել Բեյրութի կենտրոնին ու արվարձաններին
Շիրակի գյուղացիների բողոքի ակցիան. Կլաարը հանդիպել է Ալիևի հետ. Լուրեր
Քաղաքականություն
15.07.2022 | 15:43
- Շիրակի մարզի Գետք և Ղարիբջանյան գյուղերի բնակիչները բողոքի ցույց են անցկացնում ոռոգման ջուր չլինելու ու բերքը փչանալու պատճառով։ Ըստ նրանց՝ 10 օր է՝ Կառունտի ջրամբարից իրենց գյուղեր ջուր չի հասնում և բերքը՝ հիմնականում կարտոֆիլը, արդեն իսկ փչացել է, արևից այրվել է։
- Բաքվում գտնվող Հարավային Կովկասի և Վրաստանի ճգնաժամի հարցերով ԵՄ հատուկ ներկայացուցիչ Տոյվո Կլաարը հանդիպել է Ադրբեջանի ղեկավար Իլհամ Ալիևի հետ։ Քննարկվել են Հայաստանի ու Ադրբեջանի հարաբերությունների կարգավորման, հաղորդակցությունների բացման և այլ հարցեր, ըստ էության Բաքվի օրակարգով։
- Կառավարությունը հաստատվել է ՀՀ նախնական (արհեստագործական) և միջին մասնագիտական կրթական ծրագրեր իրականացնող պետական ուսումնական հաստատությունների 2022/2023 ուսումնական տարվա անվճար ուսուցմամբ ընդունելության տեղերը։ Կառավարության որոշմամբ՝ 6084 տեղ է հատկացվել ՀՀ ԿԳՄՍ նախարարության ենթակայությամբ գործող միջին մասնագիտական ուսումնական հաստատություններին, իսկ նախնական մասնագիտական (արհեստագործական) կրթական ծրագրով պահպանվել է նախորդ տարվա թիվը` 3312:
Այս ժամի լուրերը՝ տեսանյութում։
