06.08.2026 | 15:43
Հայ եկեղեցու առաջնորդը կկանգնի դատարանի առաջ՝ կառավարության հետ խորացող հակամարտության ֆոնին․ Reuters-ի անդրադարձը
Վաշինգտոնը վճռականորեն աջակցում է հայ-թուրքական հարաբերությունների կարգավորմանը․ VOA
Քաղաքականություն
13.07.2022 | 10:46
ԱՄՆ պետքարտուղարությունը «Ամերիկայի ձայն»-ի՝ հայ և թուրք առաջնոդների հեռախոսազրույցի ու երկրների միջև ընթացող երկխոսության մասին հարցմանն ի պատասխան, նշել է, որ իր աջակցությունն է հայտնում «հայ-թուրքական հարաբերությունների կարգավորմանը»: ԱՄՆ պետքարտուղարության մամլո ծառայությունից հայտնել են.
«Միացյալ Նահանգները վճռականորեն աջակցում է հայ-թուրքական հարաբերությունների կարգավորմանը, որը դրականորեն կանդրադառնա ողջ տարածաշրջանի վրա: Հայ-թուրքական երկխոսությունը ներուժ ունի մեծացնելու տարածաշրջանային կայունությունը, զսպելու վնասակար ազդեցությունը և հանգեցնելու ավելի մեծ տնտեսական զարգացման, որը շահավետ է բոլորի համար: Այն հատկապես կարևոր է այսօր՝ հաշվի առնելով Ռուսաստանի պատերազմը Ուկրաինայում: ՄիացյալՆահանգները պատրաստակամ է աջակցել այս կարևոր երկխոսությանը այնպես, ինչպես երկու կողմերը կհամարեն պատշաճ»,- նշված է ԱՄՆ պետքարտուղարության արձագանքում:
