10.10.2026 | 17:44
Հայաստանի կրտսեր տարիքի պատանիների հավաքականը Եվրոպայի ստուգատեսում կունենա 17 բռնցքամարտիկ
Ռուսաստանն ու Չինաստանը մարտահրավեր են նետել գործող աշխարհակարգին․ Բլինքեն
Քաղաքականություն
12.07.2022 | 12:34
ԱՄՆ պետքարտուղար Էնթոնի Բլինքենը հայտարարել է, որ ԱՄՆ իշխանությունների կարծիքով Ռուսաստանն ու Չինաստանը փորձում են փոխել գոյություն ունեցող աշխարհակարգը՝ ելնելով իրենց շահերից, իսկ Վաշինգտոնը մտադիր է հակազդել դրան, գրում է Gazeta-ն։
Նրա խոսքով՝ ՌԴ-ն մարտահրավեր է նետում գոյություն ունեցող աշխարհակարգին Ուկրաիանայում պատերազմով։
«Եթե Ռուսաստանին թույլ տրվի անել այն, ինչը անում է, դա կնշանակի, որ մենք վերադառնում ենք մի աշխարհ, որտեղ ով ուժեղ է, նա ճիշտ է, որտեղ մեծ երկրները կարող են վախեցնել փոքրերին»,-ասել է Բլինքենը։ Նա ընդգծել է, որ դա հակասում կանոնների վրա հիմնված կարգին։
Բլինքենի կարծիքով Չինաստանն իր հերթին է մարտահրավեր նետում գործող աշխարհակարգին, սակայն այլ մեթոդներով՝ տարածաշրջանում ավելի ագրեսիվ գործելով, ինչպես նաև ուժեղացնելով երկրի ներսում բռնաճնշումները։ Վաշինգտոնը, ըստ ամերիկացի պաշտոնյայի, փորձում է պաշտպանել գործող աշխարհակարգը, որն արժեքային առումով լիբերալ է։
Ավելի վաղ Բլինքենը հայտնել էր, որ առաջիկա շաբաթներին ԱՄՆ նախագահ Ջո Բայդենը և Չինաստանի նախագահ Սի Ցզինպինը մտադիր են բանակցություններ անցկացնել։
Էմմա Չոբանյան
