06.11.2024 | 17:27
Իլոն Մասկը հայտարարել է ԱՄՆ կառավարման համակարգը փոխելու պատրաստակամության մասին
Բեռլինն ամեն ինչ կանի, որպեսզի Ռուսաստանից գազի պակասը չհանգեցնի հասարակության պառակտման․ Գերմանիայի ԱԳ նախարար
Քաղաքականություն
11.07.2022 | 15:18
Գերմանիան կանի հնարավոր ամեն ինչ, որպեսզի ռուսական գազի մատակարարումների հետագա պակասը չհանգեցնի հասարակության պառակտման։ Այս մասին հայտարարել է Գերմանիայի արտաքին գործերի նախարար Աննալենա Բերբոկը՝ իր ճապոնացի գործընկեր Յոսիմասա Հայաշիի հետ հանդիպումից հետո, գրում է DW-ի ռուսական ծառայությունը։
«Եթե մենք ունենանք ավելի քիչ էներգիա, ավելի քիչ ջերմամատակարարում, ապա մենք կհետևենք, որ դրանք արդարացիորեն բաշխվեն»,- ասել է Բերբոքը:
Միևնույն ժամանակ, նա վճռականորեն մերժել է գերմանական երեք ատոմակայանները դեռևս չանջատելու պահանջները։
Ռուսաստանն անկանխատեսելի է ոչ միայն Ուկրաինայի դեմ պատերազմի իրավիճակում, այլև ընդհանրապես կանոնների պահպանման հարցում, օրինակ՝ էներգակիրների մատակարարման հարցում, հայտարարել է Բերբոքը։
«Դրա համար էլ մշակվում են բոլոր հնարավոր սցենարները»,- շեշտել է նա։
Հանդիպման ընթացքում Գերմանիան և Ճապոնիան ընդգծել են կանոնների վրա հիմնված միջազգային համագործակցության կարևորությունը։ Գերմանիայի արտգործնախարարը շնորհակալություն է հայտնել Տոկիոյին՝ Մոսկվայի կողմից միջազգային իրավունքի խախտումների դեմ պայքարում Եվրոպային աջակցելու համար։
Տաթև Ֆռանգյան
