27.02.2026 | 23:15
Իսրայելում ԱՄՆ դեսպանատունը թույլ է տվել իր աշխատակիցներին լքել երկիրը` Իրանին հնարավոր հարվածի ֆոնին
G20-ի ԱԳ նախարարները կոնսենսուսի չեն եկել Ուկրաինայի հարցում և համաձայնության չեն եկել վերջնական կոմյունիկեի շուրջ
Քաղաքականություն
08.07.2022 | 17:00
G20-ի երկրների ԱԳ նախարարները Բալիում կայացած երկօրյա հանդիպման արդյունքներով չեն կարողացել կոնսենսուսի հասնել Ուկրաինայի հարցով՝ Արևելքի ու Արևմուտքի երկրների տարաձայնությունների պատճառով։ Այս մասին հայտնում է AP-ն, որին վկայակոչում է Ինտերֆաքսը։
«Ի տարբերություն անցյալ գագաթնաժողովների՝ խմբային լուսանկար չի արվել, վերջնական կոմյունիկե չկա, և տարաձայնությունները, կարծես թե, ամենուր են եղել, հատկապես՝ Ռուսաստանի և հանդիպման Արևմտյան մասնակիցների միջև»,- գրում է լրատվամիջոցը։
Նշվում է, որ կոնսենսուսի հասնելու հեռանկարը դեռևս պատրանք է թվում Արևելքի և Արևմուտքի միջև խորացող տարաձայնությունների ֆոնին, որտեղ մի կողմից Չինաստանն ու Ռուսաստանն են, մյուս կողմից՝ Եվրոպան ու ԱՄՆ-ը:
Հավելենք, որ G20-ի երկրների արտաքին գործերի նախարարների հանդիպումը Բալիում կայացել է հուլիսի 7-8-ը։
Էմմա Չոբանյան
